បទបញ្ជាផ្ទៃក្នុងទូទៅ
យោងៈ _បទបញ្ជាផ្ទៃក្នុង
សម្រាប់គ្រឹះស្ថានមធ្យមសិក្សាចំណោះទូទៅ ចុះថ្ងៃទី ២៦ ខែកុម្ភៈ ឆ្នាំ ១៩៩៨
_ច្បាប់ស្ដីពីការអបរំ
ចុះថ្ងៃទី ០៨ ខែធ្នូ ឆ្នាំ ២០០៧ ដើម្បីអោយការអប់រំ ប្រកបដោយគុណភាព
និងប្រសិទ្ធភាពសិស្សមធ្យមសិក្សាសាលារៀនស្ទឹងត្រែងទាំងអស់ត្រូវអនុវត្តបទបញ្ជាផ្ទៃក្នុងដូចតទៅៈ
ប្រការ
១ សិស្សដែលរៀននៅមធ្យមសិក្សាបឋមភូមិ
និងទុតិយភូមិ ត្រូវនៅលីវ។
ប្រការ
២ អាចអនុញ្ញាតឱ្យចូលរៀនសាលារៀនស្ទឹងត្រែង
ត្រូវបំពេញលក្ខខណ្ឌដូចខាងក្រោម៖
. សិស្សត្រូវមានសមត្តភាពក្នុងការសិក្សាតាមកម្រិតតាមរយៈការធ្វើតេស្ត។
. សិស្សត្រូវមានឯកសារបញ្ជាក់ពីសាលារៀនមុន។
.មតេយ្យសាលា
សិស្សត្រូវមានអាយុ៥ឆ្នាំ។
.ថ្នាក់ទី ១នៃបឋមសិក្សាត្រូវមានអាយុ៦ឆ្នាំ ឬ យ៉ាងទៀបបំផុត
៧០ខែឡើងទៅនៅថ្ងៃកំណត់ចូលរៀនរបស់សាលារៀន។
.ថ្នាក់ទី ៧នៃបឋមសិក្សាបឋមភូមិ សិស្សថ្នាក់ទី
៦នៃបឋមសិក្សាដែលមានមធ្យមភាគពិន្ទុប្រចាំឆ្នាំ ល្អបង្គួរឡើងទៅ
ហើយត្រូវមានអាយុយ៉ាងតិច១២ឆ្នាំ និងមានគ្រឹះមូលដ្ឋានភាសាអង់គ្លេស។
.ថ្នាក់ទី
១០នៃមធ្យមសិក្សាទុតិយភូមិ សិស្សដែលបានប្រឡងជាប់សញ្ញាបត្រមធ្យមសិក្សាបឋមភូមិ។
ប្រការ ៣ សិស្សសាលារៀនស្ទឹងត្រែងទាំងអស់
ត្រូវស្អាតជានិច្ជ កាត់សក់សមរម្យ កាត់ក្រចកឱ្យខ្លី និងស្លៀក- ពាក់ឯកសណ្ឋានរបស់សិស្ស។ ភាពឆើតឆាយ
និងគ្រឿងអលង្ការផ្សេងៗត្រូវហាមឃាត់ក្នុង
សាលារៀន។ សិស្សមិនត្រូវធ្វើអ្វីឱ្យប៉ះពាល់ដល់ច្បាប់រដ្ឋ
និងប្រពៃណីទំនៀមទម្លាប់ល្អរបស់ជាតិ។
ប្រការ ៤ ពេលម៉ោងសិក្សានៅបឋមនិងមធ្យមសិក្សាត្រូវបាមកំណត់ដូចតទៅ៖
§
សំម្រាប់សិស្សរៀនពេញ១ថ្ងៃ (ចាប់ពីទី៣ឡើងទៅ)
_ពេលព្រឹកចាប់ពីម៉ោង
៨ម៉ ដល់ ១១ម៉ ៤៥នាទី
_ពេលរសៀលចាប់ពីម៉ោង
១ម៉ ៣០នាទី ដល់ ៤ម៉ ២០នាទី
§ សម្រាប់សិស្សរៀនមួយពេល មតេយ្យ, ថ្នាក់ទី១,
ថ្នាក់ទី២
_ពេលព្រឹកចាប់ពីម៉ោង
៨ម៉ ដល់ ១១ម៉ ៤៥នាទី
ប្រការ៥ សិស្សត្រូវមករៀនឱ្យបានទៀងទាត់
និងទាន់ពេលវេលា។ សិស្សមកយឺតនិងត្រូវដក់ពិន្ទុ។
សិស្សមិនត្រូវឈប់ឥតច្បាប់ដោយប្រការណារមួយទេ។ រាល់ការឈប់
ត្រូវសុំច្បាប់ដោយបញ្ជាក់មូលហេតុច្បាស់លាស់និងមានការយល់ព្រមពីឳពុកម្ដាយឬអាណាព្យាបាល។
បើការឈប់មានរយៈពេលចាប់ពី ២ថ្ងៃឡើងទៅត្រូវសុំពីនាយកតែបើឈប់ត្រឹមតែ
១ថ្ងៃអាចសុំជាមួយគ្រូបន្ទប់ថ្នាក់តាមរយៈទូរស័ព្ទ
បាន។ តែបើក្នុងករណីមានជម្ងឺ
ឬមានគ្រោះថ្នាក់ជាក់ស្ដែង នោះសាលាអាចអនុគ្រោះបាន។
ប្រការ
៦ សិស្សត្រូវបានទាមទារឱ្យចូលរួមរាល់កម្មវិធី
និងសមក្មភាពទាំងអស់របស់សាលា។
ប្រការ ៧ សិស្សមានជម្ងឺ
សាលាត្រូវហៅឳពុកម្ដាយសិស្សឱ្យនាំទៅមន្ទីពេទ្យដោយខ្លួនឯង។ ក្នុងករណីពិសេស ដូចជា “ខ្យល់គឬគ្រោះថ្នាក់ផ្សេងៗ”នៅក្នុងសាលារៀន
សាលាត្រូវនាំសិស្សនោះទៅមន្ទីពេទ្យជា
បន្ទាន់។
ប្រកា ៨ សិស្សដែលត្រឡប់ពីការឈប់វិញត្រូវសុំសិខិតអនុញ្ញាតចូលរៀនពីអ្នកទទួលបន្ទុក
ឬលោកនាយកជាមុនសិន។
ប្រការ ៩ ហាមដាច់ខាតមិនឱ្យសិស្សយកអាវុធគ្រឿងផ្ទុះ
គ្រឿងញៀនចូលក្នុងសាលារៀន។ សិស្សទាំងអស់មិនត្រូវជិះកង់ ម៉ូតូ
ឡានចូលក្នុងបរិវេនសាលារៀន មិនត្រូវមើលសៀវភៅ ឬ ទស្សនាវដ្ដីរូបអាសអាភាស
មិនត្រូវប្រព្រឹត្តអំពើដែលនាំឱ្យមានគ្រោះថ្នាក់ឬអំពើដែលនាំឱ្យបាត់សណ្ដាប់ធ្នាប់នៅក្នុងសាលារៀន។
ប្រការ១០ ហាមជកបារី
ហាមប្រើប្រាស់គ្រឿងញៀន ហាមលេងល្បែងសីសង ឬ យកហ្គេមមកលេងក្នុងសាលារៀន ឬទៅចេញទៅលេងហ្គេមនៅខាងក្រៅ។
ប្រការ១១ សិស្សទាំងឡាយ
ត្រូវដាក់កង់ ម៉ូតូឱ្យមានរបៀបរៀបរយតាមការណែនាំរបស់សាលារៀន និងមិនត្រូវគូសវាសសរសេរ
ឬ កោសលើបង្គាន់ដៃសាលាជញ្ជាំងសាលា
និងសង្ហារិមឡើយ។
ប្រការ១២ សិស្សត្រូវប្រកាន់ខ្ជាប់នូវអនាម័យ
មិនត្រូវខាកស្ដោះតែពាសនៅ ក្នុងថ្នាក់រៀន មិនត្រូវចោយសំរាមក្រៅធុងសម្រាម
មិនបន្ទោរបង់ក្រៅបង្គន់។
ប្រការ១៣ សិស្សទាំងឡាយត្រូវមានអាកប្បកិរិយាស្លូតបូត
សុភាពរាបសា ត្រូវចេះគោរពរលោកគ្រូគង្វាយ ចាស់ព្រឹទ្ធាចារ្យ គោរពរលោកគ្រូ_អ្នកគ្រូ
និងជានិច្ចជាកាលអនុវត្តវិន័យសាលារៀន។ អំពើហឹង្សា ឬ
ពាក្យសំដីមិនសមរម្យត្រូវបានហាមឃាត់ជាដាច់ខាត។
ប្រការ១៤ ការរៀនសូត្រចាប់ផ្ដើមនៅពេលកណ្ដឹងឈប់រោទិ៍។
នៅពេលកំពុងរៀនហាមប្រើទូរស័ព្ទ និងហាមចេញ_ចូលដោយគ្មានការអនុញ្ញាតពី លោកគ្រូ_អ្នកគ្រូ។
សិស្សត្រូវរក្សាភាពស្ងៀមស្ងាត់ និងមានសណ្ដាប់ធ្នាប់ជានិច្ច។
ប្រការ១៥ កាលណា លោកគ្រូ_អ្នកគ្រូ
ឬភ្ញៀវចូលក្នុងថ្នាក់ ឬចេញពីថ្នាក់ សិស្សក្នុងថ្នាក់ទាំងអស់ត្រូវក្រោក ឈរដោយស្ងៀមស្ងាត់។
ប្រការ១៦ នៅពេលចេញលេង
សិស្សត្រូវប្រកាន់អាកប្បកិរិយាសមរម្យ មិនស្រែកឡូឡា ប្រឡែង វាយទាត់ធាក់គ្នា
ឬឈ្លោះគ្នាឡើយ។
ប្រការ១៧ នៅពេលអវត្តមានលោកគ្រូ_អ្នកគ្រូក្នុងម៉ោងសិក្សាណាមួយ
សិស្សត្រូវរក្សាភាពស្ងាត់ស្ងៀមក្រោមការគ្រប់គ្រងរបស់ប្រធានថ្នាក់ចៀសវាងការរំខានដល់ថ្នាក់ជិតខាង
និងថ្នាក់ដទៃទៀតដែលកំពុងរៀន។
ប្រការ១៨ សិស្សទាំងឡាយត្រូវជៀសវាងទំនាស់ផ្សេងៗឱ្យបានដាច់ខាត។
រាល់បាតុភាពដែលកើតមាននៅក្នុងសាលារៀន សិស្សត្រូវជំរាបលោកគ្រូ_អ្នកគ្រូ
ឬលោកនាយកសាលាជាបន្ទាន់។
ប្រការ១៩ សិស្សទាំងឡាយ
ត្រូវខិតខំយកចិត្តទុកដាក់រៀនសូត្រ និងធ្វើគ្រប់កិច្ចការដែលគ្រូដាក់ឱ្យធ្វើ។
ប្រការ២០ សិស្សឈប់ឥតច្បាប់ក្នុងពេលប្រឡង
ឬក្នុងមុខវិជ្ជាណាមួយនោះនឹងបានពិន្ទុសូន្យ។
ប្រការ២០ រាល់ការប្រលង
សាលាមិនអនុញ្ញាតឱ្យសិស្សលួចចម្លង ឬសួរគ្នា ឬងាកមើលគ្នា ឬបើក
សំណៅឯកសារឡើយ។ រាល់ករណីល្មើសត្រូវទទួយវិន័យ៖
-ត្រូវដកពិន្ទុ
៥០% បើប៉ុនប៉ងលួចចម្លង (ដូចជាមានសំណៅនៅក្នុងហោបៅ) រៀបនឹងចម្លង ឬកំពុងចម្លង (មានសំណៅនៅក្រោមក្រដាសឬវិញ្ញាសារប្រឡងឬសួមិត្តភកិ្តឬចំម្លងពីមិត្តភកិ្ត)
នៅលើកទី១។
-ត្រូវបានពិន្ទុសូន្យ
និងបញ្ឈប់ការប្រឡងបើចាប់បានជាលើកទី២។
ប្រការ២១ សិស្សត្រូវឆ្លងកាត់ការប្រឡងជំរុះជាមុនសិន ទើបអាចឡើងថ្នាក់បាន។
ការប្រលងជំរុះនិងត្រូវធ្វើឡើងពីរលើកប្រចាំឆមាសទី១ និងទី២។
ប្រការ២២ ការឈប់ត្រូបានកំំណត់ដូចខាងក្រោម៖
-ការឈប់មួយម៉ោង ត្រូវគិតថាឈប់មួយដង។
-ការឈប់មួយព្រឹក ឬ មួយរសៀល
ក៏ត្រូវគិតថាឈប់មួយដង។
-ការឈប់គ្មានច្បាប់មួយដង
សាលានឹងព្រមានដល់សាមីខ្លួន និងជូនព័ត៌មានដល់ឳពុកម្ដាយ ឬ អាណាព្យាបាល
ទទួលដឹងជាលើកទីមួយ។
-ការព្រហើនឈប់គ្មានច្បាប់ជាលើកទីពីរ
ក្រោយពីការជូនព័ត៌មានដល់ឳពុកម្ដាយហើយ សិស្សនឹងត្រូវលប់ឈ្មោះចេញពីសាលា។
តែបើក្នុងករណីមានហេតុផលសមរម្យ ដូចជា មានជម្ងឺ ឬមានគ្រោះថ្នាក់ជាក់ស្ដែង
នោះសាលាអាចអនុគ្រោះបាន។
ប្រការ២៣ សិស្សដែលប្រព្រឹត្តខុសឆ្គង
ត្រូវដាក់ឱ្យក្រុមប្រឹក្សាវិន័យពិនិត្យ និងសម្រេច។
វិន័យមានដូចតទៅ៖
-ណែនាំ
-ស្ដីបន្ទោសផ្ទាល់មាត់
-ដាក់ទណ្ឌកម្ម
-លប់ឈ្មោះចេញពីសាលារៀន។
ប្រការ២៤ បទបញ្ជាផ្ទៃក្នុងនេះ
ត្រូវអានពន្យល់ និងបិទផ្សាយនៅក្នុងថ្នាក់ហើយត្រូវផ្ដល់ព័ត៍មានដល់ឳពុកម្ដាយ ឬអណាព្យាបាលសិស្សឱ្យបានយល់់អំពីគំនិត
និងអត្ថន័យនៃបទបញ្ជានេះផង។
ប្រការ២៥ លោកគ្រូ_អ្នកគ្រូទាំងអស់ត្រូវមានភារកិច្ចអនុវត្តបទបញ្ជាទាំងឡាយនេះឱ្យបានល្អប្រសើរ។
ប្រការ២៦ បទបញ្ជាទាំឡាយណាដែលមានខ្លឹមសារផ្ទុយពីបទនេះត្រូវទុកជានិរាករណ៍។
ស្ទឹងត្រែង,
ថ្ងៃទី២៦ ខែតុលា ឆ្នាំ២០១៣
នាយកសាលារៀនស្ទឹងត្រែង
ហត្តលេខានិងត្រា
No comments:
Post a Comment